Skip to main content

குட்டி குட்டி அழகு








குட்டி குட்டி பற்களை 
பிரசில் தேய்த்துவிட்டு 
சாக்கடையில் வந்து 
நுரை ததும்ப எச்சிலைத் துப்பும்பொழுது
சாக்கடையில் வழிந்தோடுகிறது 
அழகு...

குட்டித் தலையை 
அப்பாவின் கைக்குள் 
நுழைத்து தூங்கும்பொழுது 
காற்றில் பரவுகிறது 
அழகின் மணம்...
 குறு குறு பார்வையில் 
கொஞ்ச நேரத்திற்கெல்லாம் 
குட்டிச் சிரிப்பொன்று வந்து 
வெட்கம் கொள்கிறது...

குட்டிக் கண்களில் 
மாட்டிய கறுப்புக் கண்ணாடி 
எதிர்வரும் வாகனங்களை 
மமதைக் கொள்ளச் செய்கிறது...

பாசை புரியா பாடலில் 
செல்பேசிக்கு ரெக்கை முளைத்து விடுகிறது...

அளப்பரிய அர்த்தத்தை 
குட்டிக் கணத்தில் 
கொட்டிச் செல்வது 
அழகு... ம்ம் அழகு...
                             

Comments