என்ற போதிலும்

        

     

மாட்டிக் கொள்ள வேண்டிய முகம்

ஏற்றுக் கொள்ள வேண்டிய பாத்திரங்கள்

உள்ளார்ந்த ஒரு உரையாடலின் தீவிரம்

எதிராளியின்  முக பாவ மொழி

முடியவும் துவங்கும் வேலை

அலுத்துக் களைக்கும் வேளை

காத்திருக்கும் கனங்கள்

எல்லாம் மீறி
ஒரு நாளின் எந்த வேளையிலும்
வந்து விடுகிறது
வளையும் வானவில்லோடு
படிகளில் குதிக்கிற ஒரு மழை
பிரத்யேகக் காரணங்களோடு

பிரத்யேக ஈரத்தோடு.