Skip to main content

Posts

Showing posts from 2018

பத்து கேள்விகள் பத்து பதில்கள் .....17

இந்துமதி  பேட்டி அளிக்கிறார்.



இந்தத் தலைப்பில் இதுவரை எழுத்தாளர் இந்துமதியையும் சேர்த்து 17  படைப்பாளிகளைப்  பேட்டி எடுத்துள்ளேன்.  எல்லாம் எளிமையான கேள்விகள் எளிமையான பதில்கள்.
üதரையில் இறங்கும் விமானங்கள்ý என்ற நாவல் மூலம் புகழ்பெற்றவர் இந்துமதி அவர்கள்.  இன்றும் தொடர்ந்து எழுதிக்கொண்டு வருகிறார்.  அவருடைய பேட்டியை இப்போது வெளியிடுகிறேன்.

அழகியசிங்கர்

திருக்குறள் சிந்தனை 5

அழகியசிங்கர்

நான் சீர்காழி என்ற இடத்தில் பொது வங்கியில் பணிபுரிந்துகொண்டிருந்தபோதுதான், திருக்குறள் வெறியர் ஒருவரைச் சந்தித்தேன்.  அவர் நூற்றுக்கணக்கில் திருக்குறள் புத்தகங்கள் வாங்கி எல்லோருக்கும் இலவசமாக வழங்கிக் கொண்டிருப்பார்.  அவரும் என்னைப் போல என் அலுவலகத்தில் ஒரு அலுவலர்.  அவர் ஏற்பாடில் எங்கள் வங்கியில் ஒரு போர்டு வாங்கி ஒவ்வொருநாளும் திருக்குறளும் அதன் கருத்துரையும் எழுதி வாடிக்கையாளர் பார்வையில் படும்படி வைப்பேன்.  ஏதோ ஒரு திருக்குறள் புத்தகத்தில் உள்ள ஏதோ ஒரு குறளை எடுத்து மூலத்தையும் கருத்தையும் எழுதி வைப்பேன்.  உண்மையில் யாரும் படிக்க மாட்டார்கள்.  ஏன் என்பதற்கு ஒரு காரணம் கண்டுபிடித்தேன்.  உண்மையில் போர்டில் திருக்குறள் எழுதினாலும் எந்த உணர்வுநிலையும் இல்லாமல் மரக்கட்டைபோல் ஏதோ இதெல்லாம் செய்ய வேண்டுமென்று செய்து வந்தேன்.  இதைத்தான் வாடிக்கையாளர்களும் பிரதிபலித்ததாக நினைக்கிறேன்.   இதோ இப்போது ஒவ்வொரு நாளும் ஒரு குறள் விதம் எடுத்து எழுதிக்கொண்டிருக்கிறேன்.  உலகத்தில் உள்ள எல்லா தத்துவங்களும் திருக்குறளின் ஒன்றரை அடியில்  வந்து விடும்போல் தோன்றுகிறது. இன்றைய திருக்குறளை இங்…

சுனில் கிலநானியும் நானும் என்ற தலைப்பில் போனமாதம் நடந்த கூட்டத்தின் ஒளிபரப்பு -3

அழகியசிங்கர்




மே மாதம் 3வது சனிக்கிழமை எழுத்தாளர்  சா கந்தசாமி தலைமையில் விருட்சம் இலக்கியச் சந்திப்பு கூட்டம் நடந்தது.   இந்தியா என்கிற கருத்தாக்கம் என்ற தலைப்பில் சுனில் கில்நானி எழுதிய புத்தகத்தை ஒட்டி இந்தக் கூட்டம் நடந்தது.   அந்தக் கூட்டத்தைப் பற்றிய 3 பகுதிகளாக உள்ள அந்த ஒளிப்பரப்பின் முதல் பகுதியையும் இரண்டாம் பகுதியையும் சில தினங்களுக்கு முன் வெளியிட்டேன்.  இதோ இப்போது மொழிபெயர்ப்பாளர் அக்களூர்  ரவி அவர்கள் பேசுகிறார்கள்.

திருக்குறள் சிந்தனை 4

அழகியசிங்கர்



ஒரு குறளை எடுத்துப் படிப்பதற்கு முன், என்னிடம் உள்ள பல உரைகளை எடுத்துப் படித்துப் பார்க்கிறேன்.  பிறகுதான் புரிந்தது பலரும் பலவிதமாக குறள்களை எடுத்து அதன் கருத்துக்களைப் பலவிதமாக சொல்கிறார்கள் என்று.    கருத்தைப் படிப்பவர்க்கு தெளிவாகக் கூறிவிடுதற்கு குறளே உதாரணமாகத் திகழ்கிறது.  அது மட்டுமே படித்தால் போதும் என்றும் எனக்குப் படுகிறது. உதாரணமாக இந்தக் குறள் :
வேண்டுதல் வேண்டாமை இலான்அடி சேர்ந்தார்க்கு யாண்டும் இடும்பை இல
இந்தக் குறளே நமக்கு எல்லா அர்த்தங்களையும் வெளிப்படுத்தி விடுகிறது.  இதோ திருக்குறளுகஙகு நாவலர் உரை தந்திருக்கிறார்.  அதைத் தருகிறேன். விருப்பும் வெறுப்பும் அற்ற நடுநிலையில் நின்று, அறிவாற்றலில் சிறந்து வாழும் சான்றோர் காட்டிய வழியில், அவரைப் பின்பற்றி நடப்பவர்களுக்கு எந்த ஒரு காலத்திலும் துன்பம் ஏற்படுவது இல்லை.  இந்த இடத்தில் சான்றோர் என்பவர்கள் எங்கே இருக்கிறார்கள். யாரைச் சான்றோர் என்று குறிப்பிட முடியும்? நாமக்கல் கவிஞர் இப்படிக் கூறுகிறார்.  இறைவன் விருப்பு வெறுப்பு இல்லாதவன் என்பதை உணர்ந்து நாமும் விருப்பு வெறுப்பின்றி அவனை வணங்க வேண்டும்.  அப்படிச் செய்தால் …

திருக்குறள் சிந்தனை 3

அழகியசிங்கர் 


ஒவ்வொரு குறளையும் திருவள்ளுவர் எளிதில் ஞாபகத்தில் வைத்துக்கொள்ளும்படி எழுதி உள்ளார்.  கடவுள் வாழ்த்து என்று துவங்கும் இந்த அதிகாரத்தில் கடவுளைப் பற்றியே எழுதி உள்ளார்.  திருவள்ளுவர் கூறும் கடவுள் யார்?  
இந்த மூன்றாவது குறள்.
மலர்மிசை ஏகினான் மாணடி சேர்ந்தார்  நிலமிசை நீடுவாழ் வார்.
இதற்கு கருத்துரை வழங்கிய நாமக்கல் கவிஞர் ராமலிங்கம் பிள்ளை அவர்கள், அறிவுக்கெல்லாம் எட்டாப் பொருளான இறைவன் எங்கே இருக்கிறான் என்றால், நம்முடைய மனத்தாமரையில்.  அதை உணர்ந்து வணங்கினால் உலகில் கவலையின்றி வாழலாம் என்கிறார்.
இந்தக் குறளில் மலர்மிசை நிலமிசை வார்த்தைப் பிரயோகங்கள் என்னை வசப்படுத்துகின்றன.  எட்டாப் பொருளான இறைவன் என்பதை கடவுள் தன்மையை என்று கூறலாமா?  கடவுள் தன்மை என்றால் என்ன?  இன்று யாரிடமும் அது இருப்பதாக தெரியவில்லை.

நேஷனல் புக் டிரஸ்ட்டும், சாகத்திய அகாதெமியும்.....

அழகியசிங்கர்


இந்த இரண்டு அமைப்புகளும் இந்தியாவில் உள்ள பல மொழிகளிலிருந்தும் தமிழில் புத்தகங்களைக் கொண்டு வருகின்றன.  பல தமிழ் அறிஞர்கள் தங்களுடைய உழைப்பால் இவற்றைச்  சாத்தியமாக்கி உள்ளார்கள்.  இவர்கள் கொண்டு வருகிற புத்தகங்களும் மிகக் குறைவான விலையில் உள்ளன.                                                                            நான் ஒரு புத்தகம் வைத்திருக்கிறேன்.  முதல் பதிப்பு 1975ஆம் ஆண்டு.  புத்தகம் பெயர்.கறையான். வங்காளத்தில் குண்பேகா.  எழுதியபர் சீர்ஷேந்து முகோபாத்யாய.  இது இவருடைய முதல் நாவல். 1971ஆம் ஆண்டு எழுதிய இவருடைய இன்னொரு நாவலான பாரா பாரும் என்ற வங்காளி நாவலையும் படிக்க விரும்புகிறேன்.  ஆனால் மொழி பெயர்க்கப்பட்டதா என்பத தெரியவில்லை. கறையான் என்ற நாவலை  வங்காளி மொழியிலிருந்து தமிழில் மொழி பெயர்த்தவர் சு கிருஷ்ணமூர்த்தி.  இந்தப் புத்தகத்தை இரண்டாவது முறையாகப் படிக்கிறேன்.  நேரிடையான மொழிபெயர்ப்பு.  பல ஆண்டுகளுக்கு முன்னால் இப்புத்தகத்தை ரசித்துப் படித்தவன்.  திரும்பவும் எடுத்துப் படிக்கும்போது நான் ரசித்த நாவல்களில் இது ஒன்று என்ற எண்ணம் இருந்தது தவிர என்ன மாதிரியான நாவல்…

திருக்குறள் சிந்தனை 2

திருக்குறள் சிந்தனை 2

அழகியசிங்கர் 



நான் இருக்கும் வீட்டில் 3 திருக்குறள் புத்தகங்களைக் கண்டுபிடித்தேன்.  நான் ஏகப்பட்ட திருக்குறள் புத்தகங்களை வாங்கியிருக்கிறேன்.  ஆனால் ஒன்றும் கண்ணில் படவில்லை. யாரிடம் கொடுத்தேன்? யார் எடுத்துக்கொண்டு போனார்கள் என்பது தெரியவில்லை.  நாமக்கல் கவிஞர் கருத்துரை எழுதிய திருக்குறள் புத்தகம் என்னிடமிருந்தது.  அதேபோல் மு வ.   என் அலுவலக நண்பர் ஒருவர் பாக்கெட் சைஸில் திருக்குறள் புத்தகம் 50 அல்லது 100 என்று வாங்கி வங்கியில் வரும் வாடிக்கையாளருக்கு இலவசமாகக் கொடுப்பார்.  அவரை அடுத்த முறை பார்க்கும்போது ஒரு கேள்விக் கேட்க வேண்டும்.  திருக்குறளை நீங்கள் படித்தீர்களா என்று. இன்று நான் படித்த இரண்டாவது குறள்.
கற்றதனால் ஆய பயன்என்கொல் வால்அறிவன் நற்றாள் தொழாஅர் எனின். 
இந்தக் குறளில் வால்அறிவன் என்ற வார்த்தைப் பிரயோகம் என்னை யோசிக்க வைத்தது.  இதற்கான அர்த்தத்தை கீழ்க்கண்டவாறு உரையாசிரியர் இரா கோ அண்ணாமலை அவர்கள் கூறி உள்ளார்கள். கல்விதான் ஒருவருக்கு அறிவு, அன்பு, இன்பம் இவற்றை எல்லாம் தருவரு.  அறிவும், அன்பும் இல்லையெனில் பொருளில்லை, இன்பமும் இல்லையாகும்.  இவற்றையெல்லாம…

திருக்குறள் சிந்தனை 1

அழகியசிங்கர் 


நேற்று (16.06.2018) - சனிக்கிழமை -  திருக்குறளும் நானும் என்ற தலைப்பில் சி ராஜேந்திரன் ஐஆர்எஸ் அவர்கள் பேசினார்கள்.  கிட்டத்தட்ட 1.30 மணி நேரம் பேசினார்.  இன்னும் சில தினங்களில் அவர் பேசியதை ஒளிப்பதிவில் அளிக்க உள்ளேன்.  இதில் முக்கியமான விஷயம் கலந்துகொண்ட அனைவரும் ஒவ்வொரு திருக்குறளைக் கூறி ஏன் அந்தக் குறள் பிடிக்கிறது என்பதைக் குறிப்பிட்டார்கள்.   நான் ஒரு முடிவுக்கு வந்தேன்.  தினமும் ஒரு குறளைப் படிப்பது என்று.  பின் அது குறித்து கருத்து எதாவது தோன்றினால் எழுதலாம் என்று நினைக்கிறேன்.   இதோ நான் இன்றிலிருந்து ஆரம்பிக்கிறேன்.
அகர முதல எழுத்தெல்லாம் ஆதி பகவான் முதற்றே உலகு.
இதற்கு கருத்துரை வழங்கியவர் இரா இளங்குமரனார்.  அவர் என்ன கூறியிருக்கிறார் என்றால் எழுத்துக்களுக்கு எல்லாம் அகரமே முதல்.  அதுபோல் பகுத்து வழங்கிய ஆற்றலே உலகுக்கு முதல் என்கிறார். இந்தக் கருத்துரை சரியா என்பது சந்தேகமாக உள்ளது.  வள்ளுவர் ஆதி பகவான் என்று கூறி உள்ளார்.  இந்தக் கருத்துரையில் அது வரவில்லை என்று படுகிறது.  ஆதிபகவான் முதன் முதலாக உலகத்தில் தோன்றியதுபோல் எழுத்துக்களுக்கெல்லாம் அகரமே முதல் என்று இர…
சுனில் கிலநானியும் நானும் என்ற தலைப்பில் போனமாதம் நடந்த கூட்டத்தின் ஒளிபரப்பு -2 மே மாதம் 3வது சனிக்கிழமை எழுத்தாளர் சா கந்தசாமி தலைமையில் விருட்சம் இலக்கியச் சந்திப்பு கூட்டம் நடந்தது. இந்தியா என்கிற கருத்தாக்கம் என்ற தலைப்பில் சுனில் கில்நானி எழுதிய புத்தகத்தை ஒட்டி இந்தக் கூட்டம் நடந்தது. அந்தக் கூட்டத்தைப் பற்றிய 3 பகுதிகளாக உள்ள அந்த ஒளிப்பரப்பின் முதல் பகுதியை சில தினங்களுக்கு முன் வெளியிட்டு உள்ளேன். இதோ இப்போது எழுத்தாளர் சா கந்தசாமி அவர்களின் பேச்சை வெளியிடுகிறேன்.

சுனில் கில்நானியும் நானும் என்ற தலைப்பில் போனமாதம் நடந்த கூட்டத்தின் ஒளிபரப்பு -1

அழகியசிங்கர்



போன மாதம் சா கந்தசாமி தலைமையில் விருட்சம் இலக்கியச் சந்திப்பு கூட்டம் நடந்தது.   இந்தியா என்கிற கருத்தாக்கம் என்ற தலைப்பில் சுனில் கில்நானி எழுதிய புத்தகத்தை ஒட்டி அந்தக் கூட்டம் நடந்தது.  
அந்தக் கூட்டத்தைப் பற்றிய 3 பகுதிகளாக உள்ள அந்த ஒளிப்பரப்பின் முதல் பகுதியை இன்று அளிக்க விரும்புகிறேன்.

அன்புடன் அழைக்கிறேன்

அழகியசிங்கர்



நடக்கப்போகும் விருட்சம் இலக்கியச் சந்திப்பு கூட்டத்திற்கான அழைப்பிதழை இத்துடன் இணைத்துள்ளேன்.  திருக்குறளுக்கு உரை எழுதிய பரிமேலழகர் உரையை எளிமையாகப் புரிந்துகொள்ளும் முறையில் உரை எழுதிக்கொண்டிருப்பவர் ஸ்ரீ சி ராஜேந்திரன் அவர்கள்.  திருக்குறளைக் குறித்து அவர் கூறப்போகும் அரியக் கருத்துக்களை அறிய ஆவலுடன் நானும் காத்திருக்கிறேன்.  நீங்களும் கூட்டத்தில் கலந்துகொண்டு சிறப்பிக்க வேண்டுகிறேன்.
அன்புடன்  அழகியசிங்கர்

விருட்சம் இலக்கியச் சந்திப்பு - 37

திருக்குறளும் - நானும்
சிறப்புரை :     சி ராஜேந்திரன், ஐஆர்எஸ்
                          (வள்ளுவர் குரல் குடும்பம்)
இடம் :      ஸ்ரீராம் குரூப் அலுவலகம்      மூகாம்பிகை வளாகம்      சி பி ராமசாமி தெருவில் உள்ள பாலம் கீழே      ஆறாவது தளம்       மயிலாப்பூர்      சென்னை 600 004
தேதி16.06.2018 (சனிக்கிழமை) நேரம் மாலை 6.00 மணிக்கு
பேசுவோர் குறிப்பு :   C RAJENDIRAN, IRS, Vice Chairman, Settlement Commission, Customs, Central Excise and Service Tax, Additional Bench, South Zone, Chennaim.   voiceof valluvar1330@gmail.com அனைவரும் வருக,

அன்புடன் அழகியசிங்கர்  9444113205

ரொம்ப துணிச்சல் வேண்டும்..

04.06.2018 அழகியசிங்கர் துணிச்சல் வேண்டும் கால சுப்பிரமணியத்திற்கு. பிரமிளின் படைப்புகள் அனைத்தையும் ஆறு தொகுதிகளாக ரூ.3000 க்குக் கொண்டு வந்துள்ளார். 3400 பக்கங்கள். சமீபத்தில் அவரைச் சந்தித்தப்போது அவர் இதைத் தெரிவித்தார். இந்த முழுத் தொகுதியை தயாரிப்பதற்கு அவர் செலவு செய்யும் தொகையைக் கேட்டவுடனே எனக்கு சங்கடமாக இருந்தது. அன்று முழுவதம் அது குறித்து யோசித்துக்கொண்டிருந்தேன். ஏன் எனில் அதிகப் பிரதிகள் புத்தகங்கள் அச்சடித்துத் திண்டாடுபவனின் நானும் ஒருவன். இன்றைய தமிழ்ச் சூழலில் விற்பது என்பது அவ்வளவு சுலபமில்லை. ரூ.3000 கொடுத்து யார் வாங்க முன் வருவார்கள் என்ற சந்தேகம் எனக்கு இருக்கிறது. ஆனாலும் அவர் முயற்சிக்கு என் வாழ்த்துக்களைத் தெரிவிக்கிறேன். ஒரு தொகுதி வாங்கிக்கொள்கிறேன் என்று அவரிடம் அப்போதே சொல்லிவிட்டேன்.

நேற்று பார்த்த நாடகம்

அழகியசிங்கர்



நேற்று மாலை 'பகவான் ஸ்ரீ ரமணர்' நாடகம் பார்த்தேன்.   தி.நகரில் உள்ள முப்பாத்தம்மாள் கோயில் எதிரில் உள்ள கிருஷ்ணகானசபாவில்.  ஒரே கூட்டம்.  உட்கார்ந்து பார்க்க இடம் கிடைக்காது திரும்பித்தான் போகவேண்டுமென்று நினைத்தபோது இடம் கிடைத்தது.   பாம்பே ஞானம் என்பவர் தயாரித்த நாடகம்.  முழுவதும் பெண்கள் நடித்த நாடகம்.  ஒரு சில பாத்திரங்களில் ஒருவரே பல வேடங்களிலும் நடிக்கிறார்.  உண்மையில் ரமணரைப் பற்றி வரலாறுதான் இந்த நாடகம்.  விறுவிறுப்பாக இரண்டு மணி நேரங்களுக்குக் குறைவில்ûலாம்ல் இந்த நாடகம் நடந்து முடிந்தது.  நாடகத்தில் இசை எந்தவிதத் தொந்தரவும் இல்லாமல் வந்து செல்கிறது. இந்த நாடகத்தைப் பார்த்தபோது ஒன்று தோன்றியது இந்த நாடகத்தில் ரமணரைப் பற்றி இவ்வளவு தூரம் சொன்னது நல்லது என்று.  முழு வரலாற்றையே கொண்டுவந்து விடுகிறார்.   எனக்கு முதலில் நாடகத்திற்கு டிக்கெட் கிடைக்கவில்லை.  அதாவது இலவசமாகப் பார்ப்பதற்கு அனுமதிச்   சீட்டு.   ஒரு நாடகத்தைப் பார்க்க இலவசமாக அனுமதிக்கிறார்களே என்பது ஆச்சரியமாக இருந்தது.    நாடகம் விட்டு வீட்டிற்கு வரும்போது மட்டும் விருப்பப்பட்டவர்கள் நாடகத்தைப் பார்த்…

மனதுக்குப் பிடித்த கவிதைகள் - 87

அழகியசிங்கர்  

தோன்றி மறையும்

கடற்கரய்


குட்டிக் கைப்பையோடு
உத்யோகத்திற்கு விரையும்
சீனத்துக்காரி வெளியேறுவதற்கு
முன்னதாக ஆடியில் காண்கிறாள் முகத்தை.
குட்டைப் பாவாடை குறுஞ்சிரிப்பு
தோன்றி மறைகிறது அதில்.
அலுவல் அழைக்கும் நேரம்
முகத்திற்குப் பொலிவு கூடுகிறது.
மாலை காய்ந்த குப்பையாகிவிடும் என்பதை அறிவாள். ஆடியில் விழும் முகம் மெல்ல அலையுறத் தொடங்குகிறது. தலைக்கு அவள் சூடியிருந்த வாசனை மலர்கள் தழைத்து   அரும்புகின்றன
ஒரு வைகறைத் தோட்டத்தின் வைராக்கியத்தோடு.



நன்றி : கண்ணாடிக் கிணறு - கவிதைகள் - கடற்கரய் - 80 பக்கங்கள் - முதல் பதிப்பு : டிசம்பர் 2010 - வெளியீடு : காலச்சுவடு பதிப்பகம் - 669 கே பி சாலை, நாகர்கோவில் 629001 - விலை : ரூ.60 - தொலைபேசி : 91-4652-402888

ஓர் உரையாடலும் ஒரு கடிதமும்.....

அழகியசிங்கர் 


அழகியசிங்கர் மதியம் 4 மணிக்குமேல் பூங்காவில் மர நிழலில் காத்துக்கொண்டிருக்கிறார்.  அவரை நோக்கி ஜெகனும், மோகினியும் வருகிறார்கள். மூவரும் அமைதியாக ஒருவரை ஒருவர் பார்த்துக்கொண்டிருக்கிறார்கள். ஒருவரும் சில மணித்துளிகள் பேசவில்லை. அழகியசிங்கர் : நடந்திருக்கக் கூடாது. மோகினி : நம் கையில் எதுவுமில்லை ஜெகன் : துப்பாக்கிச் சூடு நடந்ததைக் கேள்விப்பட்டவுடன் அன்று இரவு முழுவதும் எனக்குத் தூக்கமே இல்லை.  அழகியசிங்கர் : இப்படி ஒரு துயரமான நிகழ்ச்சி நடந்திருக்கக் கூடாது. மோகினி : நம்மால் என்ன செய்ய முடியும்.  நாமும் சாமானியர்கள். ஜெகன் : சாமானியர்களுக்கு உள்ள தைரியம் கூட நமக்குக் கிடையாது. அழகியசிங்கர் : துப்பாக்கிச் சூட்டில் இறந்தவர்களின் ஆன்மா சாந்தி அடைய பிரார்தனை செய்கிறேன். ஜெகனும், மோகினியும் : நாங்களும்.                                                           *********** ஜெகன் : பாலகுமாரன் என்ற எழுத்தாளர் இறந்து விட்டாரே? மோகினி : ஆமாம்.   அழகியசிங்கர் : 200க்கும் மேற்பட்ட நாவல்கள் எழுதி உள்ளார்.  சிறுகதைகள் எழுதி உள்ளார்.  முதலில் சிற்றேடுகளில் எழுத ஆரம்பித்தவர்.  பின் பிரபல பத்திரிகைகளு…

பாவண்ணனைப் பாராட்டுவோம்

அழகியசிங்கர்



வரும் சனிக்கிழமை (26.05.2018)  பாவண்ணனைக் குறித்து ஒரு கூட்டம் நடைபெற உள்ளது.  காலை பத்து மணியிலிருந்து இரவு 8 மணிரை.   இடம் கவிக்கோ அரங்கத்தில்.  பாவண்ணன் சிறுகதைகள், நாவல்கள், அவருடைய மொழிபெயர்ப்புகள் என்று பல்வேறு தலைப்புகளில் பலர் பேச உள்ளார்கள். நான் பாவண்ணன் என்ற உடன் அவருடைய புத்தகங்களைத் தேடத் தொடங்கினேன்.  என்னிடம் 3 புத்தகங்கள் இருக்க வேண்டும். இரண்டு புத்தகங்கள்தான் இருந்தன.  பாய்மரக்கப்பல் என்ற நாவல் எங்கே என்று தெரியவில்லை.  'அடுக்கு மாளிகை' என்ற சிறுகதைத்  தொகுதியும், ஒரு கவிதைத் தொகுதியும் தான் இருந்தன. டிஸ்கவரி புத்தக பேலஸ் இடத்திற்குச் சென்றபோது பாவண்ணனின் இரண்டு நாவல்கள் கண்ணில் தென்பட்டன.  வாங்கி வைத்துக்கொண்டேன்.  அப்போதுதான் தெரிந்தது பாவண்ணன் நாவல்கள் மூன்று எழுதியிருக்கிறாரென்றும், சிறுகதைத் தொகுப்பு பத்து பதினைந்து கொண்டு வந்திருக்கிறாரென்றும்,  இதைத் தவிர கட்டுரைத் தொகுதிகளும் கவிதைத் தொகுதியும் வந்திருக்கின்றன.   புத்தகங்கள் வைத்திருந்தாலும் நான் பாவண்ணனை பத்திரிகைகளில் வரும் கதைகள் மூலமாகத்தான் படித்திருக்கிறேன். அதேபோல் அவர் எழுதுகிற புத்தக …

ஒரு கவிதை

அழகியசிங்கர்




        அய்யனாரைக் கேட்கிறேன்
அய்யானரைக் கேட்கிறேன்
நியாயமா அய்யனாரே
திக்கற்று சுழன்றோடும் போராட்ட மக்களைச்சுடுவது

அய்யனாரே ஏன் இப்படி நடந்தது
கையில் ஆயுதமின்றி
எதிரில் நிற்கும் மக்களைச் சுடுவது
என்ன நியாயம்?
சுடுபவனுக்கு மனித மனம் இல்லையா?
குடும்பம் இல்லையா
எங்கும் காக்கை குருவி சுற்றுகின்றன அய்யனாரே

ஏன் இப்படி நடக்கிறது
போராடும் மக்களைக் கூப்பிட்டு
நாலு வார்த்தைப் பேசாமல் சுடலாமா?

யார் பிடிவாதம் பிடிக்கிறார் அய்யனாரே

செய்தியை அறிந்தவுடன்
மனம் பதறி விட்டது
நாம் இருக்கும் இடத்திலா அய்யனாரே

மன்னிக்க முடியாத குற்றம் அய்யனாரே
யார் கேட்பது அய்யனாரே?  நீர்
கேட்பீரா அய்யனாரே...


நடிகையர் திலகம் என்ற படம் பார்த்தேன்

அழகியசிங்கர்




ஒருவருடைய வாழ்க்கை வரலாற்றைப் படமாக எடுக்கும் போது, அதில் எந்த அளவிற்கு உண்மையும் பொய்யும் கலந்திருக்கும் என்பதைக் கண்டுபிடிப்பது சிரமம்.    உண்மையைப் போல பொய்யும் பொய்யைப் போல உண்மையும் தென்படும்.  உண்மை 10% விதத்திற்கு மேல் இருந்தால் பெரிய விஷயம்.   வரலாற்றை எடுக்கும்போது சில கற்பனை காட்சிகளையும் கலக்க வேண்டும்.  முழுமையான உண்மை வரலாறு பார்ப்பவர்களுக்கு அலுப்பை ஏற்படுத்தும்.  சாவித்திரி குறித்து கட்டுரை எழுதும் பத்திரிகையாளராக வரும் மதுர வாணியாகசமந்தாவின் பாத்திரம் படத்தை மேலும் வலுப்படுத்துவதற்காக எடுக்கப்பட்டதாகத் தோன்றுகிறது.   இந்தப் படத்தில் ஜெமினிகணேசனை வில்லனாகச் சித்தரித்திருக்கிறார்கள்.  வில்லன் என்று எதாவது உண்டா என்பது தெரியவில்லை.   அதேபோல் ஹ÷ரோ என்று சொல்லப்படுவதை ஹ÷ரோவாகக் காட்ட முடியுமா?  வாழ்க்கைப் பாதையில் யாருமே ஹ÷ரோ கிடையாது  அதேபோல் யாருமே வில்லனும் கிடையாது.   புகழ் உச்சிக்குச் சென்ற நடிகை சாவித்திரியின் மோசமான நிலை பார்ப்பவரை சலனப்படுத்தும் விதமாகப் படம் எடுக்கப்பட்டிருக்கிறது. நடிகர் நடிகை வாழ்க்கையில் குடிப்பது சாதாரண நிகழ்ச்சி.  ஆனால் அதுவே உயிரைப…

தினமணி கதிரில் என் கதையைப் படிக்கவும்

தினமணி கதிரில் என் கதையைப் படிக்கவும்

அழகியசிங்கர்


இன்று தினமணி கதிரில் என் கதை 'ஆண்களைப் பார்த்தாள் நம்ப மாட்டாள்,' என்ற கதை பிரசுரமாகி உள்ளது.  தினமணி-எழுத்தாளர் சிவசங்கரி  சிறுகதைப் போட்டியில் ஆறுதல் பரிசுப் பெற்ற கதை.  இது ஒரு வித்தியாசமான கதை.  இதைப் படித்து உங்கள் கருத்துக்களை கூறும்படி கேட்டுக்கொள்கிறேன்.  கருத்தைப் பகிர்ந்தால் எனக்கு ஒரு துளி சந்தோஷம் கிடைக்கும். ஒரு விதத்தில் இந்த தினமணி கதிரை நான் ஞாபகம் வைத்துக்கொள்ள முடியும்.  ஏன்னென்றால் அட்டையில் பாலகுமாரன் படத்துடன் இதழ் வந்துள்ளது. முன்பு ஒரு முறை தினமணி கதிரில் என் கதை வந்திருந்தது.  அந்தத் தினமணி கதிரில் அட்டையில் எம்.ஜி.ஆர் படம்.  அது கிட்டத்தட்ட 20 ஆண்டுகளுக்கு முன்பு.
நண்பர்களே,


விருட்சம் நடத்தும் 36வது கூட்டம் இது.  எழுத்தாளர் சா கந்தசாமி என் நெடுநாளைய நண்பர்.  எந்தப் பந்தாவும் இல்லாத அதே சமயத்தில் திறமையான எழுத்தாளர்.   இன்று மாலை ஆறு மணிக்கு சுனில் கிலநானியின்  இந்திய என்கிற கருத்தாக்கம் புத்தகம் பற்றி பேசுகிறார்.   இந்தப் புத்தகம் பற்றி சில வார்த்தைகள் கூற விரும்புகிறேன்.  üஐடியா ஆப் இந்தியாý என்ற ஆங்கில நூலிலிருந்து தமிழில் மொழி பெயர்த்தவர் அக்களூர் இரவி. 336 பக்கங்கள் கொண்ட இப் புத்தகத்தின் விலை ரூ.315.  ரூ.260 க்கு இப் புத்தகம் கூட்டம் நடக்கும் இடத்தில் விலைக்குக் கிடைக்கும்.  ஆங்கிலத்தில் இப் புத்தகத்தைப் படித்த முன்னாள் நிதி அமைச்சர் ப சிதம்பரம், இது மாதிரியான புத்தகங்கள் தமிழில் வருவது நல்லது என்று குறிப்பிட்டிருக்கிறார்.
விருட்சம் இலக்கியச் சந்திப்பின் 36வது கூட்டம்.  அது குறித்து அழைப்பிதழை இத்துடன் இணைத்துள்ளேன்.  எல்லோரும் கலந்துகொள்ளும்படி அன்புடன் கேட்டுக்கொள்கிறேன்.

அன்பன்
அழகியசிங்கர்
9444113205


பாலகுமாரனின் 'இது போதும்'

அழகியசிங்கர்





100வது இதழ் நவீன விருட்சம் தயாரித்து பலருக்கு அனுப்பிக் கொண்டிருந்தேன்.  அந்த இதழ் அதிகப் பக்கங்களுடன் தயாரிக்கப்பட்டதால் செலவு அதிகமாகிவிட்டது.   ரகு மூலம் அந்த இதழ் பாலகுமாரன் கண்ணிலும் பட்டது.  உடனே அவரிடமிருந்து எனக்கு ஒரு போன்.  அப்போது நான் ஒரு இலக்கியக் கூட்டத்திற்கு அவசரம் அவசரமாகப் போய்க்கொண்டிருந்தேன்.  üநாளைக்கு வீட்டிற்கு வர முடியுமா,ý என்று கூப்பிட்டார். அவர் வீட்டிற்குச் சென்றேன்.  அவர் வீட்டின் பெரும்பகுதி ஒரு கோயில் மாதிரி இருந்தது.  யோகி ராம்சுரத்குமாரின் பெரிய புகைப்படங்கள்.  பூஜை அறையில் யோகி ராம்சுரத்குமார்.   அவருடைய வெண்ணிற தாடி அவர் மீது எனக்கு ஒரு மரியாதையை ஏற்படுத்தியது.   முன்பு பிரமிளுடன் நான் யோகி ராம்சுரத்குமாரை சந்தித்த விபரத்தைத் தெரிவித்தேன்.  அங்கு நடந்த சில சங்கடமான விஷயங்களை அவரிடம் தெரிவித்தேன். உருக்கமாக.  அவர் சாதாரணமாக அதைக் கேட்டு விளக்கிக்கொண்டிருந்தார்.  யோகி ராம்சுரத்குமாருக்கு உங்கள் மீது எந்தக் கவனமும் இல்லை என்றார்.  நன்கொடையாக விருட்சம் இதழுக்கு பணம் அளித்தார்.  அவர் இன்னொன்றும் சொன்னார்.  'யோகி ராம்சுரத்குமார் கட்டளையால் நான்…

ஒரு நொடிக் கேள்வி ஒரு நொடிப் பதில் - 7

அழகியசிங்கர்




1. 105வது இதழ் வரை விருட்சம் கொண்டு வந்து விட்டீர்கள்?
 ஆமாம்.  84 பக்கங்கள் வரை கொண்டு வந்துள்ளேன்.  விலை அதிகம்.

2. நீங்கள் 30 ஆண்டுகளாகக் கொண்டு வந்துள்ளீர்கள்..அவ்வளவு நீண்ட காலம் ஒரு சிறு பத்திரிகையைக் கொண்டு வரக்கூடாது என்று சிலர் கூறுகிறார்களே?
அப்படி சொல்பவர்கள் இருக்கத்தான் இருக்கிறார்கள்.  முதல் இதழுக்கும் கடைசி இதழுக்கும் என்ன வித்தியாசம் என்றெல்லாம் கூறுவார்கள்.

3. வித்தியாசம் இல்லையா?
இல்லை.  முதல் இதழும் கடைசி இதழும் எல்லாம் ஒன்றுதான். கவிதைகள், கதைகள், கட்டுரைகளைப் பதிவு செய்யும் ஒரு இயந்திரமாகத்தான் சிறுபத்திரிகையைக் கருதுகிறேன்.

4. உங்கள் பத்திரிகையைப் படிப்பவர்கள் இருக்கிறார்களா?
இருக்கிறார்கள்.  யார் என்று தெரியாது.  கருத்தை வெளிப்படையாகப் பதிவு செய்ய மாட்டார்கள்.

5. எல்லா சிறு பத்திரிகைக்கும் இந்தக் கதிதானா?
இப்போது வருகிற எல்லாச் சிறுபத்திரிகைக்கும் இந்தக் கதிதான்.

6. ஆத்மாநாம் இப்போது இருந்தால் என்ன செய்து கொண்டிருப்பார்?
ழ பத்திரிகையின் 200வது இதழ் கொண்டு வந்திருப்பார்.  16 பக்கங்களில் தொடர்ந்து கவிதைகாளக வெளிப்படுத்திக்கொண்டிருப்பார்.

7. ஞாநியின் தீம்தரி…

திருச்சி பயணத்தில் இன்னொரு புத்தகம்

அழகியசிங்கர்





என் பயணத்தின்போது புத்தகங்களைப் படிப்பது என் வழக்கம்.  எல்லோரும் என்னைக் கவனிக்கும்படி புத்தகத்தைப் பிரித்துப் படித்துக்கொண்டிருப்பேன்.  அப்படிப் படித்துக்கொண்டிருக்கும்போது என்னைச் சுற்றிலும் என்ன நிகழ்கிறது என்பதையும் கவனித்துக்கொண்டிருப்பேன்.  ரயில் பயணித்தின்போது ஜன்னல் வழியாகப் பல காட்சிகளையும் பார்த்துக்கொண்டிருப்பேன். நான் இப்படிப் புத்தகம் படிப்பதே என்னை யாராவது பார்த்து, அவர்களுக்கும் புத்தகம் படிக்க வேண்டுமென்ற எண்ணம் ஏற்பட வேண்டும் என்பதுதான்.  இந்தப் பயணத்தின் போது பாரதி விஜயம் புத்தகத்தோடு இன்னொரு புத்தகமும் எடுத்துக்கொண்டு போனேன்.  அந்தப் புத்தகத்தின் பெயர் üவெயிலும் நிழலும்,ý என்கிற பிரமிள் புத்தகம்.  51 கட்டுரைகள் கொண்ட இப் புத்தகத்தில் 25 கட்டுரைகள் வரை படித்துவிட்டேன்.  இப் புத்தகத்தை வெளியிட்டவர் வம்சி புக்ஸ். இலக்கிய விமர்சனக் கட்டுரைகள் என்ற தலைப்பில் தொகுக்கப்பட்டுள்ளது.  பிரமிள் 1939ல் பிறந்து 1997ல் இறந்து விட்டார்.  அவருடைய முதல் கட்டுரை எழுத்துவில் 1960ல் பிரசுரமாகி உள்ளது.  அப்போது அவருக்கு வயது 21 இருக்கும். அவருடைய அந்த முதல் கட்டுரையை இப்போது கூட …

திருச்சி பயணமும் என் புத்தகப் பயணமும்

அழகியசிங்கர்

சில தினங்களுக்கு முன் நான் திருச்சி சென்றேன்.  என் பெண்ணை அழைத்துக்கொண்டு.  பல்லவன் எக்ஸ்பிரஸ் என்ற ரயில் வண்டியில்  ஏகப்பட்டக் கூட்டம்.  ஒரு சீட்டில் நான் உட்கார்ந்து இருந்தாலும் நின்றுகொண்டு பல பயணிகள் இருந்தார்கள்.  வெயில் புழுக்கம்.  அது மோசமான ரயில் பயணம் என்று எனக்குத் தோன்றியது.  நான் எப்போதும் பயணம் மேற்கொண்டால் புத்தகங்களை எடுத்துக்கொண்டு போவேன்.  இப்படி பயணத்தின்போதுதான் விழுந்து விழுந்து புத்தகங்களைப் படித்துக்கொண்டு போவேன்.  பொதுவாக புத்தகங்களைக் குறித்து எனக்கு ஒரு குற்ற உணர்ச்சி உண்டு.  புத்தகங்களை வாங்கி வைத்துக்கொண்டிருக்கிறோம், ஆனால் படிப்பதில்லை என்று.  அந்தக் குற்ற உணர்ச்சியைப் போக்கவே பயணத்தின்போது புத்தகங்களை ஒரு ஜோல்னாப் பையில் சுமந்து செல்வேன். என்ன புத்தகங்களைப் படிக்க எடுத்துக்கொண்டு போவது என்ற குழப்பம் எனக்கு ஏற்படாமல் இருக்காது.  கடைசி நிமிடம் வரை யோசித்துக்கொண்டிருந்தேன்.  என் புத்தக வரிசையில் 'சிதைந்த கூடு' என்ற தாகூரின் புத்தகம் ஒன்று இருந்தது.  அதன்பின் 'நிலவு தேயாத தேசம்' என்ற சாரு நிவேதிதா புத்தகம் ஒன்றும் இருந்தது. இந்த இரண்ட…