Skip to main content

Posts

Showing posts from 2017

22.09.2012ல் நடந்த அசோகமித்திரனின் ஒளிப்படம் - 2

அழகியசிங்கர்


நான்கு பகுதிகாளகப் பிரிக்கப்பட்ட 22.09.2017 அன்று நடந்தக் கூட்டத்தின் இரண்டாம் பகுதியை இப்போது அளிக்கிறேன். மிகக் குறைவான மணித்துளிகளில் எல்லோரும் பேசுவதை ஒளிப்படம் மூலம் கேட்டு ரசிக்கலாம்.  எதாவது குறை தென்பட்டால் தெரிவிக்கும்படி கேட்டுக்கொள்கிறேன்.   

22.09.2012ல் நடந்த அசோகமித்திரனின் ஒளிப்படம்

அழகியசிங்கர்

அசோகமித்திரனின் படைப்புகளைப் பற்றி சிலர் பேசினார்கள்.  சிலர் அவருடன் கிடைத்த நட்பைப் பற்றி பேசினார்கள்.  இப்படி எல்லோரும் பேசினோம்.  அத்தனையும் ஒளிப் படமாய்ப் பதிவு செய்து வைத்திருக்கிறேன்.
இது மாதிரியான நிகழ்ச்சியை நான் ஏற்பாடு செய்ததற்குக் காரணம் பல நண்பர்கள் எனக்கு ஆதரவாக இருந்ததுதான்.  கூட்டம் ஆரம்பிக்கும் முன், பார்த்தசாரதி கோயிலிருந்து சுவாமி புறப்பாடு ஒரு நல்ல சகுனமாக எனக்குத் தோன்றியது.  ஆரம்பத்தில் அந்த வீடியோ அதிலிருந்து ஆரம்பித்து பின் எல்லோரும் பேசுவதைப் படம் பிடிப்பது வரை முடியும்.

இரண்டு எழுத்தாளர்களின் பிறந்தநாள் இன்று..

அழகியசிங்கர்


இன்று இரண்டு எழுத்தாளர்களின் பிறந்தநாள்.  ஒருவர் அசோகமித்திரன்.  இன்னொருவர் வைதீஸ்வரன்.  இந்த இரண்டு எழுத்தாளர்களையும் எனக்குப் பல ஆண்டுகளாகத் தெரியும்.  வைதீஸ்வரனுக்கு தற்போது 82 வயது ஆகிறது. அவருக்கு என் வாழ்த்துகளைத் தெரிவித்துக் கொள்கிறேன். இதே நாளில் 82வயது நடந்துகொண்டிருக்கும் போது அசோகமித்திரனுக்கு ஒரு விழா எடுத்தேன்.  திருவல்லிக்கேணியில் உள்ள பாரதியார் இல்லத்தில்.  நான் முதன் முதலாக ஒரு எழுத்தாளரின் பிறந்தத் தினத்தை அவர் உயிரோடு இருக்கும்போது கொண்டாடியதும் அந்தத் தருணத்திதான்.
அசோகமித்திரனின் எழுத்தாள நண்பர்கள், உறவினர்கள் என்று பலரும் கலந்து கொண்டார்கள்.  பலரைப் பேச அழைத்தேன்.  எல்லோரும் வந்திருந்து அசோகமித்திரனுக்குக் கௌரவம் அளித்தார்கள். கூட்டத்தை ரசிக்கவும் பலர் வந்திருந்தார்கள்.   அக் கூட்டத்தை க்ளிக் ரவி என்ற என் நண்பர் வீடியோவில் படம் பிடித்தார்.  அதன் ஒரு பகுதியை எல்லோருக்கும் தெரியும்படி இப்போது வெளியிட முடியுமா என்று பார்க்கிறேன்.
நான் நடத்திய எல்லா இலக்கியக் கூட்டங்களையும் விட அது சிறப்பான கூட்டமாக இப்போது எனக்குத் தோன்றுகிறது.  அம்ஷன்குமார் அசோகமித்திரன் …

மனதுக்குப் பிடித்த கவிதைகள் - 78

அழகியசிங்கர்  

கனவுச் சிறைகள்

மு நடராசன்




இயற்கை அழகில்
அடிமைப்பட்டு
இலட்சிய வெறியில்
அலைந்து திரிந்து
கனவுச் சிறையினில்
கைதியானேன்.


நன்றி : நிலாமுற்றம் வெளியீடு - மு நடராசன் - கவிதைகள் - வெளியான ஆண்டு : 1981 - மொத்தப் பக்கங்கள் : 64 - விலை : ரூ.4 - இந்தப் புத்தகம் இப்போது விற்பனைக்கில்லை.

ஓஷோ கூட்டத்தின் கடைசிப் பகுதி

ஓஷோ கூட்டத்தின் கடைசிப் பகுதி


அழகியசிங்கர்

செந்தூரம் ஜெகதீஷ் பேசிய பேச்சு 1 மணி நேரத்திற்கு மேல் போய் 8 மணிக்கு முடிந்தது.  மூகாம்பிகை காம்பளெக்ûஸ விட்டு வெளியே வந்தபோது இருட்டு.  நானோ காரை மெதுவாக எடுத்துக்கொண்டு ஓட்டிவரும்போது, எதிர்படும் வண்டிகளின் சப்தங்களும், வெளிச்சமும் என்னை நிதானமாக ஓட்டும்படி கட்டாயப்படுத்தியது. ஒவ்வொரு முறையும் இருட்டில் காரை ஓட்டிக்கொண்டு போகும் திறமையை வளர்த்துக் கொள்ள நினைத்தேன்.  வீடு வந்து சேரும்போது மழையும் பிடித்துக்கொண்டது.  இக் கூட்டம் நல்ல அனுபவத்தைக் கொடுத்தது.

என் சோனி காமிராவில் இந் நிகழ்ச்சியைப் பதிவு செய்த ராஜேஸ் சுப்பிரமணியத்திற்கு என் நன்றி.  இனி ஒவ்வொரு கூட்டத்தையும் இது மாதிரி பதிவு செய்ய விரும்புகிறேன்.







ஓஷோ கூட்டத்தின் இரண்டாம் பகுதி

அழகியசிங்கர்



நேற்று முதல் பகுதியை வெளியிட்டேன்.  இன்று இரண்டாம் பகுதியும், நாளை இறுதிப் பகுதியையும் அளிக்க உள்ளேன்.  கிட்டத்தட்ட 1 மணி நேரத்திற்கு மேல் செந்தூரம் ஜெகதீஷ் பேசி உள்ளார்.  அவர் பேசியதைக் கேட்டு ரசிக்கும்படி கேட்டுக்கொள்கிறேன்.  உங்கள் கருத்துக்களையும் அறிய ஆவலாக உள்ளேன்.


ஓஷோ கூட்டத்தின் முதல் பகுதி

அழகியசிங்கர்


16.09.2017 (சனகிழமை) நடந்த கூட்டத்தின் காணொலியின் முதல் பகுதியை அளிக்கிறேன்.  எதாவது தவறு தென்பட்டால் குறிப்பிடும்படி
கேட்டுக்கொள்கிறேன்.  இதன் அடுத்த 2 பகுதிகள் தொடர்ந்துவர உள்ளது.


ஓஷோவும் செந்தூரம் ஜெகதீஷ÷ம்..

அழகியசிங்கர்


ஒரு காலத்தில் ஜே கிருஷ்ணமூர்த்தியைத்தான் எல்லோரும்கொண்டாடிக் கொண்டிருந்தார்கள்.  கிருஷ்ணமூர்த்தி சென்னைக்குப் பிரசங்கம் செய்ய வரும்போதெல்லாம் தமிழ்நாட்டில் உள்ள பல மூலைகளிலிருந்து தமிழ் எழுத்தாளர்கள் குமிழ்வார்கள் வஸந்த விஹாரில்.  கிருஷ்ணமூர்த்தி பேசுகிற தோரணையே சிறப்பாக இருக்கும்.  எனக்குத் தெரிந்து எழுத்தாளர் பலருடைய எழுத்தில் கிருஷ்ணமூர்த்தியின் தாக்கம் இருக்கும். நான்கூட கிருஷ்ணமூர்த்தி சென்னை வந்துவிட்டால் எங்கும் போக மாட்டேன்.  ஒவ்வொரு வாரம் டிசம்பர் மாத்தில் சனி ஞாயிறுகளில் வஸந்த விஹாரில் கூடி பிரசங்கத்தைக் கேட்டுவிட்டு எதோ ஒரு உலகத்தில் உலவுவதுபோல் நினைத்துக்கொள்வேன்.  பின் திங்கள் கிழமை அலுவலகம் செல்லும்போது கிருஷ்ணமூர்த்தியின் பேச்சின் தாக்கம் குறைந்து, சாதாரண மனிதனாகிவிடுவேன்.  கிருஷ்ணமூர்த்தியை விட என்ன பெரிசாக சொல்லிவிட முடியும் என்று எழுதுவதையே நிறுத்தியவர்கள் உண்டு.  சாதாரணமாக வங்கியில் பணிபுரிந்த ஒருவர் கிருஷ்ணமூர்த்தியின் பேச்சைக் கேட்டு பித்துப் பிடித்த நிலைக்குச் சென்று, வேலையை விட்டு போகும்படி நேர்ந்திருக்கிறது. இந்தத் தருணத்தில்தான் ஜெகதீஷ் என்பவர் செந்தூர…

விருட்சம் இலக்கியச் சந்திப்பின 29வது கூட்டம்....

அழகியசிங்கர்




விருட்சம் இலக்கியச் சந்திப்பின் 29வது கூட்டம், வருகிற 16.09.2017 அன்று சனிக்கிழமை நடைபெறுகிறது.  செந்தூரம் ஜெகதீஷ் அவர்கள் 'ஓஷோவும் நானும்' என்ற தலைப்பில் உரையாட உள்ளார்.  தமிழில் ஓஷோவை செந்தூரம் ஜெகதீஷ் அவர்கள்தான் அறிமுகப்படுத்தினார்.  எப்படி அவருக்கு ஓஷோ மீது ஈடுபாடு வந்தது போன்ற விபரங்களை சனிக்கிழமை அன்று உரை ஆற்றுவார்.  யாவரும் கலந்துகொண்டு நிகழ்ச்சியை சிறப்பாக்க வேண்டுமென்று கேட்டுக்கொள்கிறேன்.  அதற்கான அழைப்பிதழை இணைத்துள்ளேன்.  அழைப்பிதழைத் தயாரித்த நண்பர் கிருபானந்தனுக்கு என் நன்றி.

தீராநதியில் வெளிவந்த கட்டுரை

அழகியசிங்கர்


இந்த மாதம் தீர நாதியில் இரண்டு படைப்பாளிகளைப் பற்றி நான் எழுதிய கட்டுரைகள் பிரசுரமாகி உள்ளன.  தயவுசெய்து தீராநதி வாங்கிப் படிக்கவும்.
அதில் ஒருவர் காசியபன்.  இவரைப் பற்றி நான் என் நேர் பக்கம் புத்தகத்தில் எழுத மறந்து விட்டேன்.  இப்போது எழுதி அக் கட்டுரை தீரா நதியில் வெளிவந்துள்ளது.  நாம் ஒரு புத்தகம் கொண்டு வருகிறோம்.  அப்படி கொண்டு வரும்போது மகிழ்ச்சியாகவும் இருக்கிறது.  ஆனால் அது விற்காமல் இருப்பதை எண்ணி வருத்தமாகவும் இருக்கிறது.  காசியபனின் முடியாத யாத்திரை என்ற கவிதைத் தொகுதி விற்கவில்லையே என்ற திகில் உணர்வு எனக்கு ஏற்பட்டது உண்மைதான்.  அதன் விளைவாக அக் கட்டுரை எழுதினாலும் அது ஒரு நகைச்சுவை உணர்வுக்காக எழுதப்பட்ட கட்டுரை என்பதைத் தெரியப் படுத்துகிறேன்.  பெரிய கட்டுரை என்பதால் நவீன விருட்சம் லிங்கில் போய்ப் படிக்கவும்.
முடியாத யாத்திரையா முடிந்த யாத்திரையா?..............

என் நண்பர் ஒருவருடன் பேசிக்கொண்டிருந்தபோது, இன்று தமிழில் ஒரு வருடத்தில் 5000 கவிதைப் புத்தகங்கள் வருவதாகக் கூறினார்.  என்னால் நம்ப முடியவில்லை.  நிச்சயமாக இருக்காது என்று கூறினேன். அவர் அவர் கூறிய கருத்தி…

ஒரு நொடிக் கேள்வி ஒரு நொடி பதில் - 4

அழகியசிங்கர்




1. சமீபத்தில் நடந்த இரண்டு துயரமான சம்பவங்கள்..
ஆமாம்.  துயரமான சம்பவங்கள்.

2. தற்கொலை செய்துகொள்வதைப் பற்றி என்ன சொல்ல விரும்புகிறீர்கள்?
தற்கொலையைப் பற்றி யாரும் ஒன்றும் சொல்ல விரும்ப மாட்டார்கள். ஆனால் அது நிகழாமல் இருப்பதற்கு என்ன செய்ய முடியும் என்பது தெரியவில்லை.

3. ஏன் ஒருவருக்குத் தோன்றுகிறது தற்கொலை செய்துகொள்ள வேண்டுமென்று..
அதுதான் புரியவில்லை.  நிறைவேறாத ஆசை, எதிர்பார்க்கிற வாழ்க்கை அமையாமல் போவது.  நானும் டாக்டராக வர வேண்டுமென்று விரும்பினேன். ஆனால் எஸ்எஸ்எல்சி படிக்கும்போதே தெரிந்து விட்டது நம்மால் முடியாது என்று.  பெரிய கிரிக்கெட் வீரனாக வர நினைத்தேன்.  ஸ்கூலில் விளையாடும் கிரிக்கெட்டில் பந்தை வீசும்போதே தெரிந்துவிட்டது...முடியாது என்று..சினிமாவில் நடிகனாக நடிக்க வேண்டுமென்று நினைத்தேன்..சாத்தியமே இல்லை என்று உடனே தெரிந்து விட்டது...நாடக நடிகனாக நடிக்கலாம் என்றால் அதிலும் சிறப்பாக நடிக்க முடியவில்லை..சும்மா இருப்பதுதான் சரியான வழி என்று இப்போது சும்மா இருக்கிறேன்.

4. கருத்துரிமைக்கு எதிராகத்தான் கொலை நடந்தது என்று சொல்லுகிறார்களே?
இருக்கலாம்.  உண்மையான கருத்துû…

மனதுக்குப் பிடித்த கவிதைகள் - 77

மனதுக்குப் பிடித்த கவிதைகள் - 77

அழகியசிங்கர்  

அம்மாவும் அப்பாவும்

ஹேச் ஜீ ரசூல் 



ஒன்றும் சொல்லவில்லை அப்பா

சாயங்காலம் முழுவதும்
நான்பாண்டி விளையாடியபோதும்
தம்பி கிட்டிப்புள் விளையாடிவிட்டு
பக்கத்து வீட்டுப்பையனை
அடித்துவிட்டு வந்தபோதும்

கிளாஸிலே முதல் மார்க்கெடுத்து
நான் பாஸôன போதும்
எட்டாம் கிளாஸில்
இரண்டாவது தடவை
தம்பி பெயிலான போதும்

இடையே ஒரு தடவை
வாய்திறந்தார் அப்பா.

இப்போதெல்லாம்
ஏழுமணிக்கே பொங்கி சமச்சு
சாதம் கெட்டி கொடுக்கணூம்
காலேஜ÷க்கு போகும் தம்பிக்கு

இப்போதைக்கு ஒன்றும் சொல்வதில்லை
அம்மா மட்டும்
அப்பா எதைச் சொன்னாலும்
தலையாட்டிக் கொண்டே.

நன்றி : பூட்டிய அறை - ஹெச் ஜி ரசூல் - மொத்தப் பக்கங்கள் : 88 - வெளியீடு : திணை வெளியீட்டகம், 30 பகவதி லாட்ஜ், நாகர்கோவில் - வெளியான ஆண்டு : மே 1998 - விலை : ரூ.30


பின் குறிப்பு : மனதுக்குப் பிடித்த கவிதைகள் என்ற தலைப்பில் நான் 100 கவிதைகளை கவிதை நூல்களிலிருந்து மட்டும் எடுத்துப் புத்தகமாகக் கொண்டு வர உள்ளேன்.  ஆனால் என்னிடம் கைவசம் 400க்கும் மேற்பட்ட புத்தகங்கள் உள்ளன.  இன்னும் சில கவிதைப் புத்தகங்கள் நான் வாங்கவும் வேண்டும்.  எப்படி இதில் 100…

இன்று இடம் கிடைத்துவிட்டது

இன்று இடம் கிடைத்துவிட்டது

அழகியசிங்கர்                                                                              


இன்று என் திருமண நாள்.  திருமணம் நடந்து கிட்டத்தட்ட 37 ஆண்டுகள் ஓடிவிட்டன.  இப்போது ஞாபகம் வருகிறது.  மைலாப்பூரில் உள்ள சிருங்கேரி மண்டபத்தில்தான் திருமணம் நடந்தது.  என் அலுவலகத்திலிருந்து 100 பேர்களுக்கு மேல் வந்துவிட்டார்கள்.  பின்னால் சாப்பிட வந்தவர்களுக்கு ஒன்றும் சரியாகக் கிடைக்கவில்லை. பலர் ஒன்றும் சொல்லாமல் போய்விட்டார்கள். 
ஆகஸ்ட் செப்டம்பர் என்றால் பல திருமணங்கள் நடைபெறுகின்றன.  நேற்றும் ஒரு திருமணத்தில் கலந்து கொண்டேன்.  நானும், கிருபானந்தனும் மாலை ஐந்து மணிக்கே கிளம்பிவிட்டோம். திருமணம் நடக்குமிடம் கூடுவாஞ்சேரி.  அசோக் நகரில் பஸ் பிடித்து தாம்பரம் போய்விட்டோம். பின் சரவணாவில் காப்பி சாப்பிட்டோம்.  கூடுவாஞ்சேரி பஸ்ûஸப் பிடிக்க நிற்கும்போதுதான் தெரிந்தது, நேற்று செங்கல்பட்டு வரை போகும் மின்சார வண்டிகள் ரத்து செய்யப்பட்டதென்று.  ஓலாவிற்காகக் காத்திருந்தோம்.  20 நிமிடம் ஆனபின்னும் கார் கிடைக்கவில்லை.  வீட்டிற்குத் திரும்ப யோசித்தோம்.  அவ்வளவு தூரம் வந்து திரும்பி…

எல்லோரிடமும் ஒரு நிமிடம்தான் பேச முடிகிறது

அழகியசிங்கர்


என் அலுவலக நண்பரின் பெண்ணிற்குத் திருமணம்.  பத்திரிகை அனுப்பியிருந்தார்.  பின், போனில் கூப்பிட்டார்.  நானும் அவரும் சீர்காழி என்ற ஊரில் உள்ள வங்கிக் கிளையில் ஒன்றாகப் பணிவுரிந்து கொண்டிருந்தோம்.  அங்கே அதிக நேரம் பேசிக்கொண்டிருப்போம். அலுவலகம் முடிந்து வீடு திரும்பும்போது ஒன்றாக கிளம்பிப் போவோம்.  இதோ நான் அலுவலகத்தை விட்டு 4 ஆண்டுகள் முடியப் போகிறது.

அவர் இன்னும் ஞாபகம் வைத்துக்கொண்டு எனக்குப் பத்திரிகை அனுப்பியிருந்தார்.  நான் இருக்குமிடம் மாம்பலம்.  திருமணம் நடக்குமிடம் புழுதிவாக்கத்தில் உள்ள மூவரசம் பேட்டை கூட்டு ரோடில் உள்ள ஒரு கல்யாண மண்டபம்.7.30க்கு ரிசப்ஷன்.  நான் மாலை 5.30 மணிக்கே கிளம்பி மடிப்பாக்கத்தில் உள்ள என் பெண் வீட்டிற்குச் சென்றேன்.  அங்கே ஒரு அரை மணி நேரம் இருந்தேன்.  "மழை பெய்யப் போகிறது..சீக்கிரம் போ," என்றாள் பெண்.

நான் அங்கிருந்து கிளம்பி கல்யாண மண்டபத்தை அடைந்தேன்.  சரியாக 7.15 மணி ஆகிவிட்டது.  அலுவலக நண்பர் வாசலில் நின்று என்னை உபசரித்தார்.  இந்த நான்கு வருடங்களில் அவர் உருவம் முழுவதும் மாறி விட்டது.  முதல் மாடி. ஏசி ஹால்.  ஒரே இரைச்சல்.  …

நகுலனும், அப்பாவும், நானும்....

அழகியசிங்கர்




நகுலன் சென்னை வரும்போதெல்லாம் என் வீட்டிற்கு வராமல் இருக்க மாட்டார்.  அவர் சென்னையில் தங்கும் இடம் ஆன அவர் சகோதரர் வீடு என் வீட்டிலிருந்து அருகில் இருந்தது.  சகோதரரை அழைத்துக்கொண்டு நடந்தே வந்துவிடுவார்.  ஒருமுறை அவர் வந்திருந்தபோது நான் வீட்டில் இல்லை.   நகுலன் என் அப்பாவுடன் பேசிக்கொண்டிருந்தார்.  கிட்டத்தட்ட அரை மணி நேரம் மேலேயிருக்கும். நான் வீட்டிற்கு வந்தபோது நகுலனும், அப்பாவும் பேசிக்கொண்டிருந்தது ஆச்சரியமாக இருந்தது.என்ன பேசிக்கொண்டிருப்பார்கள்? எதைப் பற்றி பேசிக்கொண்டிருப்பார்கள்?  என்பதுதான் என் எண்ணமாக இருந்தது. நகுலன் எப்போதும் புத்தகங்களைப் பற்றியும், எழுத்தாளர்களைப் பற்றியும் பேசிக்கொண்டிருப்பவர்.  என் அப்பாவிற்கு அதெல்லாம் தெரியாது. மாடியில் உள்ள அறைக்கு நகுலனை அழைத்துக்கொண்டு போனேன்.   "அப்பாவிடம் என்ன பேசிக்கொண்டிருந்தீர்கள்?" நகுலன் சிரித்தபடியே,"உங்கள் அப்பா சுவாரசியமான மனிதர். அவர் ஒரு ஹோமியோபதி மருத்துவர்.. அந்த மருந்துகளைப் பற்றி சொன்னார்?" "போச்சுடா..யார் வந்தாலும் இப்படித்தான் ஆரம்பித்துவிடுவார். போனில் அசோகமித்திரனிடம் கூட ஹோமிய…

மனதுக்குப் பிடித்த கவிதைகள் - 76

மனதுக்குப் பிடித்த கவிதைகள் - 76

அழகியசிங்கர்  

அந்நியன்

சிற்பி


எப்போதும்
என் பின்னால்
யாரோ வருகிறார்கள்

அவன் முகத்தை
நான் அறியேன்
ஆயினும் அவன் இருக்கிறான்

கண்ணுக்குத் தெரி0யாத
மாயாவி அவன்
என் அசைவு ஒவ்வொன்றும்
அவனுக்குள் பதிவாகி விடுகிறது

உண்ண அமர்ந்தால்
உடன் அவனும்
அமர்வதுபோல் தெரிகிறது

தெருவில் நடந்தால்
உரசிக் கொண்டே
நடப்பதாய் உணர்கிறேன்

பத்திரிகை வாங்கினால்
எனக்கு முன்
அவன் அதைப் படித்து விடுவதாய்
பிரமை

யாரையேனும் சந்தித்தால்
அவர்கள் அடையாளங்களும்
குறிக்கப் படுவதாய்த் தெரிகிறது

மேடையில் போனிôல்
üஜாக்கிரதைý என
எச்சரிக்கப்படுவதாய்
உள்ளூணர்வு

படுக்கை அறையில்
மனைவியின் முகம் பார்க்க
எத்தனிக்கையில்
சுற்றியது இனம்புரியா
மூச்சுக் காற்றின்
வெப்பம்

எப்போதும் என் பின்னால்
யாரோ வருகிறார்கள்


நன்றி : கண்ணாடிச் சிறகுள்ள ஒரு பறவை - சிற்பி - கவிதா பப்ளிகேஷன், தபால் பெட்டி எண் : 6123,  8 மாசிலாமணி தெரு, பாண்டி பஜார், தி நகர், சென்னை 600 017 - தொலைபேசி எண் : 2436423 - வெளியான ஆண்டு : மே 2016 - விலை : ரூ.80





மனதுக்குப் பிடித்த கவிதைகள் - 75

அழகியசிங்கர்  
இருளில் நகரும் யானை
மனுஷ்ய புத்திரன்

வனப்பாதையின்  இரவுப் பயணத்தில் திடீரென காரோட்டி 'யானை யானை' என்று கிசுகிசுத்தபடி விளக்குகளை அணைத்தான்.
சாலைக்கு வெகு அருகாமையில் மூங்கில் வனம் நடுவே யானைக் கூட்டம் இருளில் மேகக் கூட்டங்கள்போல நகர்ந்து கொண்டிருந்தன எத்தனை ஆயிரம் ஆண்டுகள் இரவெல்லாம் இதுபோல யானைகள் இருளிலேயே நடந்துகொண்டிருக்கின்றன
வேறொரு இடத்தில் காரோட்டி  ஒரு புதருக்குள் ஹெட் லைட்டைத் திருப்பிக்காட்டினான் ஒரு பெரிய ஒற்றை யானை தனியாக நின்றுகொண்டிருந்தது அதன் கண்களில் நீர் 'இருளில் அழும் யானைகள்' ஒரு வாக்கியம் மனதை அழுத்தியது 'நாம் நம் குடிலுக்குத் திரும்பிவிடலாம்'  என்றேன்.  இப்போதெல்லாம் நான் என் அறையில் விளக்கைப் போடாமல் இருளிலேயே குளிக்கிறேன் இருளிலேயே தொலைபேசியில் பேசுகிறேன் இருளிலேயே துணி துவைக்கிறேன் இருளிலேயே மேசையை ஒழுங்குபடுத்துகிறேன் இருளிலேயே தரையை பெருக்குகிறேன் இருளில் ரேடியத்தில் ஒளிரும் கைக்கடிகாரத்தையே பார்த்துக்கொண்டிருக்கிறேன் இருளில் புழங்குவதில் ஒரு எடையற்ற தன்மை இருப்பதை நான் வெகு அண்மையில்தான் கண்டுபிடித்தேன்
வனத்தின் இருளில் …

ஏ கே செட்டியாரைப் பற்றி கடற்கரையின் நெகிழ்வான பேச்சு

அழகியசிங்கர்



ஏ கே செட்டியார் படைப்புகளைப் பற்றி கடற்கரை 19.08.2017 சனிக்கிழமை அன்று விருட்சம் இலக்கியச் சந்திப்பு சார்பில்  பேசிய பேச்சை இங்கே ஒலிபரப்புகிறேன்.


40 ஆண்டுகளுக்கு முன்பு எழுதிய அசோகமித்திரனின் கரைந்த நிழல்கள்...

அழகியசிங்கர்




கேள்வி கேட்பவர் : இப்போது என்ன புத்தகம் படித்து முடித்துள்ளீர்கள்?
நான் : அசோகமித்திரனின் கரைந்த நிழல்கள்.
கே கே : 40 ஆண்டுகளுக்கு முன் எழுதிய நாவல் ஆயிற்றே?
நான் : ஒரு கூட்டத்தில் எனக்கு அசோகமித்திரனைப் பற்றி பேச வாய்ப்பு கிடைத்தது.  அப்போது அவருடைய சில சிறுகதைகளையும், நாவல் ஒன்றையும் படித்தேன்.  கரைந்த நிழல்கள்தான் அந்த நாவல்.
கே கே :  முன்பே படிக்கவில்லையா?
நான் : படித்திருக்கிறேன்.  சினிமா சநம்பந்தமான நாவல் என்ற ஞாபகம் மட்டும் இருந்தது.  ஆனால் நாவல் முழுக்க மறந்து போய்விட்டது.
கே கே : நாவலில் என்ன விசேஷம்.
நான் : அவர் நாவலை எடுத்துக் கொண்டு போகும் பாங்கு..
கே கே : சினிமா சம்பந்தமான நாவல்தானே இது,..
நான் : உண்மைதான்.  இந் நாவலை இப்போது படித்தாலும், சினிமாவில் நடக்கும் எந்த விஷயமும் பெரிதாக மாறவில்லை என்று தோன்றும்.
கே கே : இந்த நாவலில் என்ன விசேஷம்?
நான் : பலதரப்பட்ட கதாபாத்திரங்களை அசோகமித்திரன் உருவாக்கியிருக்கிறார்.  ஒரு சினிமா அவுட்டோர் ஷ÷ட்டிங் நடப்பதிலிருந்து இந்தக் கதை ஆரம்பமாகிறது.  அதை நடத்த எத்தனைப் பேர்கள் ஈடுபடுகிறார்கள் என்பதை துல்லியமாக விவரித்துக்கொண்டு போகிறார்.
கே …

விருட்சத்தில் வெளிவந்த மொழிபெயர்ப்புக் கவிதைகள் - 2

அழகியசிங்கர்



ஜோர்ஜ் லூயி போர்ஹே


தற்கொலை                                                                        













தனித்த ஒரு நட்சத்திரத்தைக்கூட விட்டுவைப்பதாயில்லை  இரவில்
இந்த இரவையும் விட்டுவைப்பதாயில்லை
நான் மடிந்து விடுவேன்.  என்னுடன்
சகிக்க முடியாத இந்த அண்டத்தின் சுமையும்.
பிரமிடுகளையும், பெரும் பதக்கங்களையும்,
கண்டங்களையும், வதனங்களையும் நான் துடைத்துவிடுவேன்.
சேமிக்கப்பட்ட கடந்த காலத்தையும் நான் துடைத்துவிடுவேன்
நான் உண்டாக்குவேன் புழுதியை, வரலாற்றிலிருந்து,                          புழதியிலிருந்து
இப்போது நான் பார்த்துக்கொண்டிருக்கிறேன் அந்திமகால
                                      அஸ்தமனத்தை
நான் கேட்டுக்கொண்டிருக்கிறேன் இக் கடைசிப் பறவையை.
நான் தருகிறேன் சூன்யத்தை இங்கு ஒருவருமே இல்லாதபோது

மூலம் : ஸ்பானிய மொழி
ஆங்கிலம் வழி தமிழில் : அஷ்டாவக்ரன்

  (நவீன விருட்சம் ஜனவரி - மார்ச்சு 1989)

விருட்சத்தில் வெளிவந்த மொழிபெயர்ப்புக் கவிதைகள்

விருட்சத்தில் வெளிவந்த மொழிபெயர்ப்புக் கவிதைகள்


அழகியசிங்கர்


விருட்சம் ஆரம்பித்த 1988ஆம் ஆண்டிலிருந்து மொழிபெயர்ப்புக் கவிதைகளும் விருட்சத்தில் பிரசுரம் ஆகிக் கொண்டிருந்தன.  பலர் மொழிபெயர்ப்புக் கவிதைகளை விருட்சத்தில் எழுதி உள்ளார்கள்.  அவற்றை எல்லாம் தொகுக்கும் எண்ணம் உள்ளதால், ஒவ்வொன்றாய் முகநூலிலும், பிளாகிலும் வெளியிடுகிறேன்.




நார்மன் மேக்கே 


கவிஞன்

சம்பவங்கள்
அவனை
நெருக்கடியான நிலையில்
தள்ளித்
துன்புறுத்தின.
வறுமை, சமுகம், நோய் -
எல்லாப் பக்கங்களிலிருந்தும்
அவனைத் தாக்கின.
அவற்றால்
அவனை மௌமாக்க முடியவில்லை
கல்லெறியப்பட்ட காக்கை
முன்பு ஒரு போதும் நினைத்தேயிராத
வகையில் எல்லாம்
தப்பிப் பிழைக்க வழிகாண்பது போல
முன்னைவிட
மேலும் பல கவிதைகள்
அவன் எழுதினான்
எல்லாம் வெவ்வேறாக

இப்போது
சிரமமில்லாது
சமநிலையில் பறப்பதைத்
தொடருமுன்
மக்களின் தலைகளுக்கு மேலே
அவர்கள் வீசியெறியும் கற்கள்
தன் மீத படாத உயரத்தில்
சில சமயங்களில்
திடீரென
அவன்
தடுமாறுகிறான்
தடைப்பட்டு நிற்கிறான்
பக்கவாட்டில் சுலு;கிறான்
இதில் என்ன ஆச்சர்யம்!

மூலம் : ஆங்கிலம்
தமிழில் : கன்னி

நார்மன் மேக்கே ஒரு பிரபல ஸ்காட்லாந்து கவிஞர்.  தனது…

ஏ கே செட்டியாரைப் பற்றி நெகிழ்வான பேச்சு

அழகியசிங்கர்


சமீபத்தில் நான் மூன்று கூட்டங்களை நடத்தி உள்ளேன். இந்த மூன்று கூட்டங்களிலும் பேசியவர்களுக்கு என் நன்றியைத் தெரிவித்துக் கொள்கிறேன்.  இந்தப் பேச்சுக்களைக் கேட்க வந்தவர்களுக்கு அதிகப்படியான நன்றிகளைத் தெரிவித்துக் கொள்கிறேன். முதல் கூட்டம் ஜøன் மாதம் நடந்தது.  திருப்பூர் கிருஷ்ணன் அவர்கள் தி ஜானகிராமனைக் குறித்துப் பேசினார்.  உண்மையில் அன்று தி ஜானகிராமனை நேரில் அழைத்து வந்து அவர் பக்கத்தில் உட்கார வைத்து உரையாடியது போல் தோன்றியது.  இரண்டாவது கூட்டம் ஜøலை மாதம் நடந்தது.  இக் கூட்டத்தில் பெருந்தேவி அவர்கள் புதுமைப்பித்தன் படைப்புகளைப் பற்றிப் பேசினார்.  பெருந்தேவியின் பேச்சைக் கேட்டு புதுமைப்பித்தனே நெகிழ்ந்து போனதுபோல் உணர்வு ஏற்பட்டது.   மூன்றாவது கூட்டமாக இன்று கடற்கரை ஏ கே செட்டியாரைப் பற்றி பேசினார்.  அவருடைய பேச்சை ஏ கே செட்டியார் கேட்டிருந்தால், அவரை மனமுவந்து ஆசிர்வாதம் செய்திருப்பார்.  எனக்கு என்ன மலைப்பு என்றால் 2000 பக்கங்களுக்கு மேல் உள்ள ஏ கே செட்டியாரை தேடிக் கண்டுபிடித்து பதிப்பித்தது.  இந்தப் புத்தகத்திற்கு கடற்கரை 30 பக்கங்களுக்கு மேல் பதிபாசிரியர் உரை எழுதி உள…

விருட்சம் இலக்கியச் சந்திப்பு - 28

 ஏ கே செட்டியாரும் நானும் 

சிறப்புரை :  கடற்கரய் மந்தவிலாச அங்கதம்  

இடம் :      ஸ்ரீராம் குரூப் அலுவலகம்
    மூகாம்பிகை வளாகம்
    4 லேடீஸ் தேசிகர் தெரு

    ஆறாவது தளம்
    மயிலாப்பூர்
    சென்னை 600 004
(சி பி ராமசாமி தெருவில் உள்ள பாலம் கீழே)


தேதி19.08.2017 (சனிக்கிழமை)

நேரம் மாலை  6 மணிக்கு

பேசுவோர் குறிப்பு :  கவிஞர், பத்திரிகையாளர், தொகுப்பாளர்

அனைவரும் வருக,

அன்புடன்
அழகியசிங்கர்
9444113205

இரண்டு மூன்று நாட்கள்......

அழகியசிங்கர் 




இரண்டு மூன்று நாட்கள் சென்னையை விட்டு மயிலாடுதுறைக்குச் சென்று விட்டேன். அதனால் முகநூல் பக்கம் வரவில்லை.  வரும் சனிக்கிழமை அதாவது 19ஆம் தேதி ஏ கே செட்டியார் படைப்புகளைப் பற்றி கடற்கரை அவர்கள் உரை நிகழ்த்துகிறார்.  தவறாமல் கலந்துகொண்டு கூட்டத்தை மேன்மை படுத்துங்கள்.  6 மணிக்கு ஆரம்பித்து 7.30 மணிக்குள் கூட்டம் முடிந்துவிடும்.  தொடர்ந்து ஒவ்வொரு மாதமும் மூன்றாவது சனிக்கிழமை இதுமாதிரியான கூட்டத்தை நடத்த உத்தேசம்.  உங்கள் அறிவுரையை அளிக்கும்படி கேட்டுக்கொள்கிறேன்.  இக் கூட்டத்தைப் பற்றி உங்களுக்குத் தெரிந்த நண்பர்களிடம் தெரிவிக்கும்படி கேட்டுக்கொள்கிறேன்.
நன்றி.

விருட்சம் இலக்கியச் சந்திப்பின் 28வது கூட்டம்

விருட்சம் இலக்கியச் சந்திப்பின் 28வது கூட்டம்

அழகியசிங்கர்                                                                  


விருட்சம் இலக்கியச் சந்திப்பின் 28வது கூட்டம் இந்த மாதம் மூன்றாவது சனிக்கிழமை வழக்கம்போல் நடைபெற உள்ளது.  ஒவ்வொரு முறையும் இக் கூட்டத்திற்கு வருபவர்களை நான் வரவேற்கிறேன்.  இந்த முறை ஏ கே செட்டியார் பற்றிய கூட்டம்.  சந்தியா பதிப்பகம் மூலம் வெளிவந்த ஏ கே செட்டியார் புத்தகத்தைத் தொகுத்து அளித்தவர், கடற்கரை மந்தவிலாச அங்கதம்.  இத் தொகுப்பு 2000 பக்கங்களைக் கொண்டது.  அவர் தன் அனுபவங்களை நம்முடன் பகிர்ந்து கொள்ள உள்ளார்.  இக் கூட்டம் பற்றிய தகவலை எல்லோரும் பகிர்ந்து அளிக்கும்படி அன்புடன் கேட்டுக்கொள்கிறேன். காந்தியைப் பற்றி ஏ கே செட்டியார் எடுத்த ஆவணப்படமும் தி நகரில் உள்ள தக்கர் பாபா கல்வி நிலையத்தில் விற்பனைக்கு உள்ளது.  விலை ரூ.100 தான்.  ஒவ்வொருவரும் வாங்கிப் பாதுகாக்க வேண்டிய ஆவணப்படம்.  இதோ கூட்டத்திற்கு ஆன அழைப்பிதழை உங்களுக்கு அளிக்கிறேன்.  அழைப்பிதழைத் தயாரித்து அளித்தவர் என் நண்பர் கிருபானந்தன்.  அவருக்கு நன்றி பல. 

புத்தகங்களைப் படிக்காமல பார்த்துக் கொண்டிருக்கிறேன்...

அழகியசிங்கர்

தமிழ் பேசுபவர்களை எடுத்துக்கொண்டால் பாதிக்கு மேல் படிக்காதவர்கள்தான் இருப்பார்கள்.  பெரும்பாலும் பேசுபவர்களாகத்தான் இருப்பார்கள்.  தமிழ் எழுதத் தெரியாது, படிக்கத் தெரியாது என்று பலர் இருப்பார்கள்.  இப்படிப் படிக்கவும் எழுதவும் தெரிந்தவர்களில் பலர் தமிழ்ப் புத்தகங்களைப் படிக்கவே மாட்டார்கள்.  என் குடும்பத்தில் நான் ஒருவன்தான் தமிழ் புத்தகம் படிக்கிறவன்.  என் மனைவி எப்பவாவது லக்ஷ்மி புத்தகங்களைப் படிப்பார்.  யாரும் தமிழ்ப் பத்திரிகைகளை வாங்கிப் படிக்க மாட்டார்கள். நான் அந்தக் காலத்திலிருந்து தமிழ் புத்தகங்களைப் படிக்கிறவன். ஆங்கிலம் படித்தாலும், தமிழ் புத்தகம் படிக்கிற அளவிற்கு ஆங்கிலப் புத்தகங்களைப் படிக்கிற ஆர்வம் இல்லாதவன்.  ஆனால் புத்தகங்களை வாங்கி வாங்கி வைத்துக்கொள்வேன். ஒருநாள் நான் வைத்திருக்கும் புத்தகங்களைப் பார்த்து பயந்து விட்டேன். நமக்கோ வயது கூடிக்கொண்டே போகிறது, எப்போது இந்தப் புத்தகங்களைப் படிக்கப் போகிறோம் என்ற பயம் என்னை பற்றிக்கொண்டது.  வாரம் ஒருநாள் புத்தகங்களைப் பார்த்தபடி கற்பூரம் காட்டி நமஸ்காரம் செய்யலாம், படிக்க வேண்டாம் என்றெல்லாம் யோசிக்க ஆரம்பித்தேன…

மனதுக்குப் பிடித்த கவிதைகள் - 74

அழகியசிங்கர்  


 ஒழிந்த நேரங்கள் 

காளி-தாஸ்
நான் ஒழிந்த நேரத்தில் பிறந்தேன்
நான் ஒழிந்த நேரத்தில் வளர்ந்தேன்
நான்  ஒழிந்த நேரத்தில் படித்தேன்
நான்  ஒழிந்த நேரத்தில் எழுதினேன்
நான் ஒழிந்த நேரத்தில் விளையாடினேன்
நான்  ஒழிந்த நேரத்தில் காதலித்தேன்
நான் ஒழிந்த நேரத்தில் சம்பாதித்தேன்
நான் ஒழிந்த நேரத்தில் கல்யாணம் செய்தேன்
நான்  ஒழிந்த நேரத்தில் புணர்ந்தேன்
நான்  ஒழிந்த நேரத்தில் பிள்ளை பெற்றேன்
நான்  ஒழிந்த நேரத்தில் குடித்தேன்
நான் ஒழிந்த நேரத்தில் தூங்கினேன்
நான்  ஒழிந்த நேரத்தில் சாமி கும்பிட்டேன்
நண்பர்களே வாருங்கள் ஒழிந்த நேரம் பார்த்து ஒழிந்த நேரம் ஒன்றில் நான் செத்துப் போகும் முன்.......

நானும் நானும் - காளி-தாஸ் - கவிதைகள் - மொத்தப் பக்கங்கள் : 48 - விலை : ரூ.50 - முதல் பதிப்பு : மையம் வெளியீடு - இரண்டாம் பதிப்பு : விருட்சம், 7 ராகவன் காலனி, மேற்கு மாம்பலம், சென்னை - 33 - தொடர்புக்கு : 9444113205
பின் குறிப்பு :
காளி-தாஸ் என்ற பெயரில் கவிதைகளை எழுதியவர் ஸ்டெல்லா புரூஸ்.  அவர் இயற்பெயர் ராம் மோகன்.  கவிதைகள் மட்டும் அல்ல, சிறுகதைகள், நாவல்கள் என்று எழுதிய பிரபல எழுத்தாளர்.  அவருடைய பிற…