நிவர் புயல்

அழகியசிங்கர்

எங்கிருந்தோ பதுங்கி பதுங்கி

எங்களைத் துடிக்க விட்டாய்

    **

எப்போதும் போல் தோன்றி 

இந்த முறை ஒன்றும்

செய்யாமல் விட்டுவிட்டாய்

உமக்கு நன்றி.  கருணை வைத்ததற்கு

    **

உன் பாதை எங்கோ கிளம்பி

எங்கோ செல்வதுதானே 

இந்த முறை மட்டும் “

சரியான பாதையில் பயணம் 

செய்து விட்டாய் ஏன்?

    **

உனக்கு யார் இந்தப் பேர் வைத்தது?

நிவர் என்று

என்னால் ஞாபகப்படுத்திக்கொண்டு

ஒவ்வொரு முறையும் சொல்ல முடியவில்லை

    **

ஏற்கனவே கொரானா பயத்தில்

வீட்டில் இருக்கிறோம்

இன்னும் 

உன் பயத்தால் இன்னும் இன்னும்

இருக்கிறோம். 

     **

நிவர் நீ வந்தாலும் வந்தாய்

நாங்கள் கவிதை எழுதப் 

பாடுபொருளாக மாறிவிட்டாய்

      **

நல்லது “

உன்னைப் பற்றி

எழுதப்பட்ட கவிதைகளைப் 

படித்துப் படித்து 

நீ ஓட்டம் பிடித்து விட்டாய்.

26.11.2020 (வியாழன்)