நிரந்தரத்தின் தரிசனம்

 ஆறுமுகம் முருகேசன்

அடைக்கப்பட்டக் குழாயிலிருந்து

ஒவ்வொருச் சொட்டாய்

நீர் தரைமோதி மேலெழும்பும்

சப்தமென

நம் இரவை கலைத்து அடுக்குகிறேன்

செவிலித்தாய் ஒத்த

ப்ரிய ரேகைகளின் வழி

எதிர்ப்பெதுவுமின்றி மிடறு மிடறாய்

தரிசிக்கிறாய் நீ !

தடதடத்த பின்னங்கழுக்து படபடப்பில்

தப்பிக்க முயன்ற எறும்பினை

வலிவலிக்காத வண்ணம் கைப்பற்றுகிறோம்

பின் மெதுவாக அசைவுறுகிறோம்

மிதந்து

நிமிரும்பொழுது

தற்காலிகமாக வெளியேறியிருந்தது எறும்பு

***