மரம் மாறும் பறவைகள்

ராஜினாமா செய்தவனுக்கு நண்பனாயிருப்பதில்
சில சவுகரியங்கள் இருக்கிறது
மேலாளர்களின் அரசியல் பற்றி
தைரியமாக சொல்லலாம்
ஒளித்து வைத்திருக்கும்
பணி உயர்வு புத்தகங்களைக்
காட்டலாம்
சந்திக்கப்போகும்
நேர்முகத் தேர்வுகளைப்பற்றி
சந்தேகம் கேட்கலாம்
நண்பனாய் இருத்தலின்
அசெளகரியம் என்பது
அவனது புதிய சம்பளத்தை கேட்காமல் இருப்பது
கேட்டுவிட்டு கவலைப்படாமல் இருப்பதுo

************

சமீபத்தில் வேலை
மாறிப்போன நண்பனொருவன்
புதிய அலுவலகத்தைப்
பற்றிபேசிக்கொண்டிருந்தான்
புதிய நண்பர்களைப்பற்றி
புதிய பொறுப்புகளைப்பற்றி
புதிய தலைமைகளைப்பற்றி
உணவகங்கள் பற்றி
பெசன்ட் நகர் கடற்கரையில்
அவனுடன் அமர்ந்திருந்த
புதிய பெண்ணைப்பற்றி

கடைசிவரை சொல்லவில்லை.