Skip to main content

மொழிப்பெயர்ப்புக் கவிதைகள்


மார்ஸிலிஜஸ்மார்டினைடிஸ்

நித்தியம்

அதிகாலை விழித்த கிழவன் பார்வையில்

வாசல்முன் அன்றைய சுமை.

நெருப்பு வளர்த்தல், கட்டளையிடல்

வாளிகளின் ஒலி கிழவனின் பெருமூச்சு

அனைத்துமே அடக்கம் அச்சுமையில்

அவிழ்க்கப்பட்ட சுமையில்

ஆற்றவேண்டிய காரியங்களால்

நிறைந்து போனது முற்றம் முழுதும்.

கதவின் கீச்சொலி

வைக்கோலின் குசுகுசுப்பு

ஜன்னலின் பளிச்சிடல்

கால்நடைகளின் பெருமூச்சு

பறவைகளின் இன்னிசை

மனிதர்களின் பேச்சரவம்

சக்கரங்களின் சடசடப்பு

அந்தியும் வந்தது

இன்பமயமான நீண்ட அந்திமாலை

மூலம் : லிதுவேனியக் கவிதை

ஆங்கில வழி தமிழில் : நஞ்சுண்டேஸ்வரன்.

நவீன விருட்சம் இதழ் 5 - JULY - SEPTEMBER 1989

Comments