உன்னைச் சிந்தித்து ஒரு பறவையின் சிறகினில் அமர்ந்திருப்பேன் அது உன் ஊருக்குள் வந்திடுமென்றால் அங்கு நான் குதித்திடுவேன் ஊர் வாசி ஒருவனின் தலையில் காகம் பீச்சுவது எப்படி? அப்படி என் வருகை இராணுவ வீரனின் ஆடையில் அலையும் சிறுவர்களிடம்தான் உன் முகவரியை கேட்டு எழுதியெடுப்பேன் ஊருக்குள் பறந்து திரிந்ததில் பசியெடுத்துவிட்டது பறவைகள் உண்பதையெல்லாம் என்னால் உண்ண முடியாதுபோயிற்று அதோ மொட்டைத் தலை பொருத்திய ஒருவன் சூடான கஞ்சி விற்றுவருகிறான் கண்டு ஒரு கிளாஸ் அருந்திட பயமெனக்கு யாரோ! என்னையும் சுட்டுப் பொசுக்கிவிடுவாரோ என்ற பயமெனக்கு இதையெல்லாம் கதைக்க உன் அருகில் உரசி அமர்ந்திட முடியவில்லை பஸ்ஸில் பயணிப்பதுபோல் நடுவில் சிறுவனுமில்லை,சிறுமியுமில்லை,பிள்ளைக்காரியும...